Wednesday 19 December 2012

മൌനമീ വാക്കുകള്‍


എനിക്കും നിനക്കുമിടയിലെ 
വാക്കുകള്‍ നിശ്ശബ്ദമാകുന്നു.
ചുറ്റുമുള്ള ചുവരുകളെ-
നിക്കു തടവറയാകുന്നു. 
ഒരിക്കലും മരിക്കാത്ത 
നിന്‍റെമധുരപ്രണയമെന്നെ  
വല്ലാതെ കുത്തി നോവിക്കുന്നു. 

നിന്‍റെ ഓര്‍മ്മകളിലൂടെ
കടന്നു പോകുമ്പോള്‍ 
എന്‍റെ  മനസ്സു പോലും 
ഈ മൗനത്തില്‍ പരിഭ്രമിക്കുന്നു 

നമുക്കിടയിലെ ശബ്ദങ്ങള്‍
ഇല്ലാതെയാകുന്നുവോ ? 
ഞാന്‍ നീയകന്നുവോ ?

ഭയക്കുന്നു ഞാനീ കുളിരുന്ന പുലരികളെ ,
നാമജപങ്ങളുയരുന്ന സന്ധ്യകളെ,
പിന്നിട്ടു പോകുമോരോ നിമിഷങ്ങളെയും. 

നമ്മളില്‍ മൗനം കൂടുകൂടുന്നുവോ ?
നിന്‍റെയീമിഴികളില്‍ തിളക്കം കുറയുന്നുവോ ?
ചിന്തകളുടെ സ്ഥൈര്യംനില തെറ്റുന്നുവോ ?
സ്നേഹം വിതറും നിന്‍ മുഖകാന്തിയില്‍ 
ദുഃഖം നിഴലാട്ടം നടത്തുന്നുവോ ?

എനിക്കായി, നിനക്കായി, നമുക്കായി
ഇനിയുമീയുലകമെത്രനാള്‍ ? 
മായില്ല ,മറക്കില്ല ,
നിന്‍വിരല്‍ത്തുമ്പിലൂടാദ്യം  
പകര്‍ന്നൊരാ ദിവ്യപ്രണയത്തിന്‍ 
മധുര സ്മരണകള്‍

അറിയുന്നു ഞാനീ മൗനം
എനിക്കും നിനക്കുമിടയിലെ 
നിശബ്ദതയെ ..ഇനിയെത്ര നാള്‍ 
നമ്മളൊരുമിച്ചിനിയെത്ര ദൂരം !

1 comment:

  1. Good lines,
    well composed
    But please give the picture credit and byline
    Its a must
    Thanks for sharing
    Philip

    ReplyDelete