'ഓ' ഫിദല്‍

സൈബീരിയയുടെ

കുളിര്‍ മൂടിയ

മലയാടിവാരത്തു

സഖാവ്:ഗോര്‍ബച്ചേവ്

ഇരകോര്‍ത്ത ചൂണ്ടയുമായി
തണുത്തു വിറച്ചു
പെരുമീനുകളെ തിരയുന്നു

തിരസ്ക്കരിക്കപ്പെട്ട മനുഷ്യത്വം

ശേഷിപ്പുകളുടെ

ശവദാഹം കഴിഞ്ഞു

ഒരധിനിവേശ കാറ്റ്

വടക്കോട്ട്‌ ആഞ്ഞു വീശിയിട്ടും

'ഓ' ഫിദല്‍

ഇപ്പോഴും നീ തന്നെ സൂര്യന്‍

ഇനി ശൈത്യ രക്തമൊഴുകുന്ന
ഈ താന്തോന്നികളുടെ
ഹൃദയത്തിലേക്കൊരു
സന്ദേശമയക്കു..

ചിക്കാഗോയിലെ

രണസ്മാരകങ്ങളില്‍

മുന്നേ പുഷ്പ്പിച്ച
ചോര പൂക്കളെ
'വാള്‍സ്ട്രീട്ടിന്‍റെ '
ആത്മാവിലെക്കെറിയാന്‍
അവരോടു കല്‍പ്പിക്കൂ

'ഓ' ഫിദല്‍ കോടാനുകോടി

ചുവന്ന നക്ഷത്ര കണ്ണുകള്‍

എന്നോട് മന്ത്രിക്കുന്നൂ
അവര്‍ക്കൊന്നെ സൂര്യനുള്ളത്രേ

ഫിദല്‍ അത് നീയാണ്

നീ മാത്രം ...